MÉTODOS EDUCATIVOS

Dende BIBLIOTICS achégannos este video que é toda unha reflexión sobre a educación.
Se o teu inglés non é tan bo como apra entendelo, preme no botón "View subtitles" e escolle "Spanish", así poderás ler os subtítulos en castelán.

FELICES VACACIÓNS

UNHA VISITA MOI ESPECIAL

Este martes tivemos unha visita moi especial no cole: o Paxe Real. Veu recoller os nosos desexos deste ano para levarllos aos Reis Magos... pero se alguén preferiu escribiulle a Papá Noel ou ao Apalpador, tamén lles fará chegar as nosas peticións.

Agora só queda agardar que nos cheguen todos os nosos agasallos.

LECTURAS DE NADAL

Un dos mellores agasallos para este nadal pode ser un libro... ou achegarse pola biblioteca e ler algo que nos guste.

Dende o equipo da biblioteca facemos unha seleción de lecturas para cada ciclo, así que xa o sabes... a gozar coa lectura!!

CHEGOU O NADAL Á ILLA DE SAN SIMÓN

Xa levamos todo o trimestre traballando no proxecto da illa de San Simón. Como gostamos tanto da illa, trasladamos a nosa postal navideña precisamente ata a illa e alí foron todas as personaxes navideñas.... todas... mira con atención.

CONSUME GALEGO

Nestas datas de compras e consumo xeneralizado queremos achegarte unha proposta: agasallos en galego.

Por se non sabes que agasallar...mira a recolleita elabora polo CPI Vicente Otero Valcárcel. Poderás atopar xoguetes,  música, libros, cine, arte, roupa, tecnoloxía....de todo... en galego.

E se aínda non o tes claro, podes seguir buscando... 

E ademáis, a mesa en galego... novas tecnoloxías... receitas e comidas...cancións...

DALLE COR AO NADAL

Máis xogos para estes días de inverno e Nadal. Agora poderás colorear o boneco de neve premendo na imaxe.

Lembraque poderás atopar moitos máis xogo no noso enlace de Brinquedos.

XOGAMOS EN NADAL

Premendo nesta imaxe poderás pasar un bo rato xogando cun LIM de nadal creado pola Tolinha Belén Junquera.

E para continuar xogando, neste enlace tes un sinfín de brinquedos. Lembra que esta imaxe quedará prendida da barra lateral esquerda para que podas acceder a eles cando gostes.

RECURSOS NADAL

Neste tempo de Nadal acchegámoste unha serie de enlaces nos que podes atopar moitos e moi bos recursos para traballar e pasalo ben.

E non esquezas a nosa páxina de recursos sobre o Apalpador.

LIM DO APALPADOR

Podes xogar e comprobar todo o que aprendeches sobre o Apalpador con este LIM feito neste outeiro. Sorte!

O APALPADOR

Moito antes de que Papá Noel irrumpise no noso nadal, en Galiza tiñamos un personaxe moi especial: o Apalpador. Vello xigante, de oficio carboeiro, vive nas devesas do Courel.

Na noite de Nadal baixa ás aldeas para achegarse aos nenos e ás nenas que durmín. Caladiñamente, apálpalles as barrigas para ver se estaban ben alimentados. Logo de desexarlle que no ano vindeiro non pasasen máis fame, marchaba deixándolles unha boa presada de castañas quentes.

Toda esta información, e algunha máis, estará recollida premendo na imaxe. E non esquezas pasar pola biblioteca e ler os libros que temos sobre o Apalpador.

XANDRE, O ELEFANTE SEN SOMBRA

Dende TADEGA (Tecnoloxías de Atención á Diversidade na Educación Galega) achégannos o conto de Xandre, o elefante sen sombra. Un conto accesible e adaptado que reclama a visibilidade de todas as persoas, coas súas diferenzas.

No enlace de Tadega hai moitos máis recursos (audios, textos, videos, actividades, etc) para traballar o conto.

DEREITOS HUMANOS. RECURSOS

Para traballar os dereitos humanos nas aulas achégamoste unha serie de recursos para os diferentes niveis.

O primeiro deles vai para o 3º ciclo de primaria: unha WebQuest elaborada pola Biblioteca do CEIP Andrade.

Para acceder a máis recursos (libros, música, xogos, etc), preme no enlace.

DÍA DOS DEREITOS HUMANOS

O día 10 de decembro é o Día Internacional dos Dereitos Humanos, día de concienciación e reflexión sobre o longo camiño que aínda nos queda por percorrer neste eido.

Queres saber máis sobre os dereitos humanos? Pois mira con atención este video e analiza todos os dereitos dos que fala.

Realmente cres que todo o mundo goza deses dereitos? Déixovos as plabras de Eduardo Galeano, un experto en facernos reflexionar.

VAI CHEGANDO O NADAL

O noso cole vaise enchendo de nadal... e todo grazas ás familias, que son unhas artistas. Como todos os anos  decoramos o cole de nadal con adornos navideños feitos con calquera tipo de materiais. Todos os traballos son moi orixinais e, unha vez máis, deixan clara a implicación das familias co noso cole. Moitas grazas a todas as familias!!!

O CAZO DE LORENZO

O día 3 de decembro é o día no que o calendario fixa a súa atención nas persoas con discapacidade. Un día no que temos que reflexionar e moito sobre o alumnado que está nas nosas aulas e leva consigo algún "cazo".

E hai máis contos que defenden a importancia das diferencias, de saber adaptar o mundo ás diferencias....

INVERNO

Chegou o frío... chegou a chuvia... chegou o inverno!!!

Velaí van nunhas letras, unhas imaxes e unha música.

CAI a neve cai cai

falopiña a falopiña

nin o vento a arremuiña

nin a auga a desfai.

Cido Castro de Brío nevados!

Baixa a neve ate os prados...

NEVA venta e fai fume.

Vense a xente tralo lume

i axóugase toda encol

ó cariño do remol.

Fora riba do lousado

óllase por un furado

nevar a copo tendido

e logo a entretecido...

UXÍO NOVONEYRA

As catro estacións: o inverno. Vivaldi

E para xogar un pouco e quetar as cabezas, un xogo LIM feito por Paula Campos e que podemos atopar no seu blog.