Estes días estreamos, ademais de outono, o noso novo
caixón de suxerencias. O caixón de suxerencias é un elemento fundamental na biblioteca. Aquí recollemos as peticións dos nosos lectores e lectoras: libros, actividades, temas, personaxes, etc.
O caixón permanecerá habitualmente na biblioteca, nun lugar visible, pero de cando en vez, como esta semana, dará un paseo polas aulas animando ó alumnado a participar aínda máis.
Desta volta preguntámoslle ao alumnado do 3º ciclo polas súas preferencias literarias, de xeito que a súa voz terá peso na adquisición de fondos deste ano.
Estamos xa preparando o noso PDI sobre Científicos e descubrimentos. Aínda que o proxecto non comenzará a traballarse ata o 2º trimestre, queremos ir recollendo a vosa opinión sobre os avances científicos e tecnolóxicos que considerades máis importantes para a humanidade así que temos preparada unha enquisa.
Hoxe quero amosarvos outra das novidades deste curso: o carriño de novidades. Con esta idea pretendemos achegar ás novidades a tanto ao alumnado como ao profesorado.
Este ano temos moitas novidades na nosa biblioteca. Algunha xa as coñecedes e outras irei amosándovolas aos poucos.
A editorial Rinoceronte acaba de publicar os primeiros audiolibros dispoñibles en galego. "É unha fórmula estupenda", defende o director da editorial, Moisés Barcia, "dado que existen múltiples actividades nas que non podemos soster un libro de papel nas mans, pero si escoitalo".
