BO NADAL

Chegan as vacacións que tanto vos gustan. Deséxovos a todos os nenos e nenas, a todo o profesorado e a todas as familias un bo nadal. E non esquezades pedirlle aos Reis Magos, ao Apalpador ou Papá Noël  un bo libro, que tamén en nadal a lectura nos descubre mil e unha aventuras.

Vémonos o ano que ven!!!!!

Moitísimos bicos e achuchóns.

Hoxe despedímonos ata o día 9 de Xaneiro cunha postal que nos encandilou a todos, aínda que non fora a gañadora!

LENDO A PARES

Onte na biblioteca tivemos unha actividade que lles gustou moito a todos os nenos que participaron:: LECTURA A PARES. 

Os nenos de 4º leronlle aos nenos de 5 anos as últimas novidades chegadas ao cole, e, despois, os pequenos aos maiores. A verdade é que foi unha actividade moi bonita

Déixovos unhas fotos para que vexades o ben que se portaron e sobre todo o atentos que estiveron todos a súa parella.

A VISITA DESEXADA

Hoxe tivemos no cole unha das visitas máis desexadas por todos: o PAXE REAL!

Recolleu todas as cartas coas nosos ilusións e tróuxonos moitos caramelos!

Xa estamos desexando que as nosas cartas cheguen a Papá Noël, aos Reis Magos e ao Apalpador.

A POSTAL IMPRESA GAÑADORA É...

Pois como estamos en tempo de nadal e felicitación... vos presento a postal gañadora en formato impreso.

Todas estas postais son moi bonitas, pero o premio é para CARMEN ALONSO SOMOZA (4ºA), que ao igual que Julia Alfaya recibirá un agasallo.

Parabéns Carmen!

OS NENOS DE 5 ANOS NA BIBLIOTECA

Como xa sabedes, durante este primer trimestre, os nosos alumnos estiveron a traballar a formación de usuarios: como usar a biblioteca, as normas, as partes dun libro, coñecer os tipos de libros que nos podemos atopar na biblioteca...

Neste pequeno vídeo vos presento aos máis pequenos do cole traballando a Formación de usuarios, traballando na biblio e atendendo a contos que lles contou unha nena de 3º

Da gusto o ben que o fixeron e o ben que se portaron!!!!

A POSTAL GAÑADORA É...

Pois xa temos a postal dixital gañadora!!!

Todas eran merecedoras do premio! asi que, de novo, moitas grazas por participar!!!

Noraboa a JULIA ALFAYA RAFAEL (1ºA)

O derradeiro día de clase, diante de todos os seus compañeiros, recibirá un agasallo!

POSTAIS NADAL

Durante este días recibimos moitas postais de nadal aos nosos correos.

Antes de anunciar ao gañador gañadora, queremos amosarvos as candidatas para recibir un agasallo.

Son todas moi bonitas e merecedoras de facerse co premio e é por iso que a decisión non é nada doada.

Moitas grazas a todos os nenos e nenas que participáchedes e tamén aos papás, mamás e demáis familia, porque sabemos que vos implicáchedes moito!

Mañán publicaremos o nome do gañador ou gañadora. Estade atentos e atentas!!!! 

UNHA MOREA DE RECURSOS PARA O NADAL

Pois hoxe presentamos unha morea de recursos para traballar o nadal estes días a través de diferentes actividades, algunhas delas coñecidas e outras moitas moi divertidas que tomamos prestadas do cole de Reboreda. Agardo que vos gusten!!!

MON AMOUR. HISTORIA DE MUROS

Mon Amour: Historia de muros éun vídeo de Maysun Cheikh Ali Mediavilla, galardoado co primeiro premio en LÚMEN_EX 2010 Premios de Arte Dixital / Digital Art Awards Universidade de Extremadura. E hoxe, Día dos Dereitos Humanos, paréceme moi necesario reflexionar sobre eses dereitos que se pisan cada día... sen pudor e con todas as licenzas.

OUTRAS POUQUIÑAS POSTAIS

A conta atrás xa chegou!!! Xa non queda nada para que remate o prazo de entrega de postais de Nadal. Recordade que o último día é o 12 de Decembro!!!

Deíxovos as últimas postais recibidas este días, a ver se alguén máis se anima.

Recordade que @ gañad@r recibirá un agasallo.

Dalle a play e agarda a que cargue o programa.

UN NADAL CHEO DE CONTOS

Chega ao noso Outeiro o Nadal e para que vexades tod@s o bonito que está a quedar vos ensino o traballo que todos os nenos e nenas do cole fixeron cos contos en galego, castelán e inglés, que para iso somos un centro plurilingüe!!!!

Espero que vos guste!

MAIS POSTAIS DE NADAL

Continúan chegando postais para o noso concurso. Animádevos que xa queda pouco tempo....

Dalle a play e agarda a que cargue o programa.

RECURSOS DEREITOS HUMANOS

Lembra que poderás atopar unha recursos e actividades para traballar os dereitos humanos na imaxe da barra lateral deste blog.

AS PRIMEIRAS POSTAIS DE NADAL

Van chegando as primeiras postais para o noso concurso dixital. Velaí vai a primeira mostra para que vos animedes a participar enviando as vosas creacións.

Lembra que so tes que darlle ao play e agardar a que cargue o programa.

LENDO SOBRE DEREITOS HUMANOS

Achégase o día dos Dereitos Humanos así que podedes ir botándolle un ollo ás diferentes lecturas sobre este tema na nosa escolma.

LIM DO APALPADOR

Agora que xa aprendeches moitas cousas sobre o Apalpador, amosa todo o aprendido xogando con este LIM que xa tiveches aquí o Nadal pasado.

Podes ampliar a imaxe premendo na icona do ordenador.

POSTAIS DE NADAL

Xa están chegando as primeiras creacións para o concurso de postais dixitais deste nadal. Lembrade que tedes ata o día 12 de decembro para enviar ás vosas creacións ao meu correo, sen esquecervos de poñer o voso nome o  curso. E como en todo concurso, a postal gañadora recibirá un estupendo agasallo.

Moitas grazas a todas e a todos por participar.

RECURSOS APALPADOR

Como estes días estamos tendo problemas coa plantilla de blogger, aquí vos deixo o enlace aos recursos para traballar o apalpador. So tes que premer na súa imaxe.

INVESTIGAMOS SOBRE O APALPADOR

Comezamos a investigar sobre o Apalpador, ese carboeiro dos montes do Courel que nos deixa unha presa de castañas polo Nadal.
Durante este mes iremos á biblioteca para pescudar e completar o noso caderno de investigación.

UNHA VISITA SOPRESA

Hoxe recibimos unha visita sorpresa: un home cunha longa barba castaña, vestido cunha pucha e fumando nunha pipa. Levaba unha saca chega de castañas e deixounos un puñado despois de apalpar as barrigas e comprobar se estaban cheas ou baleiras. Quen será este personaxe que nos visitou?
Para velo dalle ao play e espera a que descargue o programa.