UNHA CONTACONTOS MOI "SPECIAL"

Nestes meses temos unha compañeira moi especial no cole: Patsy. Chegou dende Colorado alá polo mes de de outubro e dende entonces apoia a nosa experiencia plurilingüe... co inglés, claro.
A Patsy encántanlle as historias e os contos... e gústalle contarlle aos nosos nenos e ás nosas nenas historias e contos...en inglés.

Hoxe contounos unha historia de Eric Carle , "The grounchy ladybug"....unha xoaniña que moitas e moitos xa coñecedes. 

OS PICASOS DO COLE

O noso cole está cheo de artistas. Nas clases de plástica están a facer un achegamento á obra de Picasso e este é o resultado.

Se queres practicar podes facer máis creacións, preme na imaxe de abaixo.

FALECE FRANCISCO FERNÁNDEZ DEL RIEGO

Francisco Fernández del Riego finou este serán aos 97 anos de idade.

Nacido en Vilanova de Lourenzá no ano 1913, este intelectual galeguista, foi presidente da Real Academia Galega e fundador da Editorial Galaxia xunto a Ramón Piñeiro, Otero Pedrayo e Xaime Isla no ano 1950.

Dirixiu tamén, man a man con Ramón Piñeiro, a revista Grial dende o instante da súa fundación no ano 1963.

INAUGURAMOS A FONOTECA

Hoxe estamos de festa: inauguramos a nosa Fonoteca.
A partir de hoxe, todos os venres, podedes levar para casa un Cd. Cada semana  tocaralle a un ciclo escoller a música e terá 7 días para poder escoitala tranquilamente na casa.

Así que xa sabedes, dende agora podemos gozar coas lecturas e tamén coa música.

Quero dar as grazas a todas as familias que fixeron posible este proxecto aportando a súa música. Sen vos esta fonoteca non sería posible.
Moitas grazas. Espero que gocedes coa música.

E para celebrar este proxecto musical colaborativo, un video de música de rúa tamén colaborativa. Músicos de rúa tocan o "Stand by me" de Ben E. King en diferentes lugares do mundo.

DÍA INTERNACIONAL CONTRA A VIOLENCIA DE XÉNERO

 Hoxe, día 25 de novembro, conmemórase o Día Internacional contra a Violencia de Xénero. Esta data lémbranos as irmás Mirabal (Patria, Minerva e Maria Teresa), tres activistas políticas asasinadas o 25 de noviembro de 1960 a mans da policía secreta do dictador Rafael Trujillo na República Dominicana.

Lamentablemente, a violencia contra as mulleres aínda está moi presente ao noso arredor de maneiras moi diferentes. Todas e todos debemos pararnos un momento e reflexionar sobre este tema.

Podes atopar recursos e materiais premendo no lazo que atoparás no inicio desta nova e na barra lateral da esquerda. Aquí vos deixo un conto que lle da a volta a moitos "tópicos".

Este video recolle a exposición "18 segundos" organizada polo Instituto de la Mujer de España no ano 2005.

O fotógrafo Iván Hidalgo, coa dirección artística de Alejandro Marcos, retrata a 18 actrices, comunicadoras, deportistas e personaxes de amplo recoñecemento público.

ANA MARIA MATUTE "PREMIO CERVANTES 2010"

 

 Ana María Matute, Premio Cervantes 2010. Convértese así, aos 85 anos de idade, na terceira muller que acada este premio tras María Zambrano e Dulce María Loynaz.

Nada en Barcelona no ano 1925  esta académica da lingua española está considerada como a mellor novelista de posguerra española e ten recibido, entre outros, o Premio Nadal,  o Premio Nacional de las Letras Españolas e o Premio Príncipe de Asturias.

A súa creación literaria é ampla e abrangue novelas, relatos curtos e contos para nenos e nenas:

Novelas

• Los Abel (1948)
• Fiesta al Noroeste (1952)
• Pequeño teatro (1954)
• Los hijos muertos (1958)
• Primera memoria (1959)
• Los soldados lloran de noche (1963)
• El río (1973)
• Luciérnagas (1993)
• Olvidado rey Gudú (1996)
• Aranmanoth (2000)
• Paraíso inhabitado (2008)

Relatos curtos e contos para nenos e nenas

• El país de la pizarra (1957)
• Paulina, el mundo y las estrellas (1960)
• Caballito loco y Carnavalito (1962)
• El polizón del Ulises (1965)
• Sólo un pie descalzo (1983)
• El saltamontes verde (1986)
• La Virgen de Antioquía y otros relatos (1990)
• El verdadero final de la Bella Durmiente (1995)
• La puerta de la luna. Cuentos completos (2010)

Parabéns a esta muller que, como ela mesma recoñece, adicou toda a súa vida a escribir.

A FLORA E A FAUNA DA ILLA DE SAN SIMÓN.

Continuando co noso proxecto sobre a illa de San Simón, o alumnado do 2º e 3º ciclo está traballando sobre a flora e fauna que podemos atopar na illa.

Se queredes saber máis sobre o tema, consultade o noso caderno de actividades.

A CANCIÓN DE MATILDA

Esta semana estamos argallando algo novo cole... unha sorpresa musical. Polo de agora non podo dicirvos máis, pero si podo deixarvos algo de música.

Estades a escoitar Boa noite Matilda de Carlos Careqa, cantante brasileiro que fai unha homenaxe a Tom Waits, autor da versión orixinal, Tom Traubert´s Blues. Espero que vos guste tanto como a min.

RECURSOS PARA O DÍA DA INFANCIA

Xa sabes que hoxe, 20 de novembro, conmemórase o Día dos Dereitos das Nenas e dos Nenos.

Podes xogar con Dina e aprender máis sobre os dereitos da infancia.

Dende este enlace poderás acceder a unha chea de recursos e actividades sobre este tema. Tamén poderás atopalo na barra da esquerda como enlace permanente.

EXPER-I-CIENCIA CO ALUMNADO DE PRIMARIA.

Xa están preparadas as fotos do alumnado de Primaria mergullándose nos fondos mariños na procura de cabaliños de mar.

Lembrade que podedes ver todas as fotos picando no enlace do collage.

DÍA INTERNACIONAL DA INFANCIA

O día 20 de novembro é o Día Internacional dos Nenos e das Nenas.

Conmemórase así a data na que a Asamblea Xeral da ONU aprobou a Declaración sobre os Dereitos do neno en 1959.

 

Podes ver a ver versión que Quino dos Dereitos da infancia en boca de Mafalda e os seus amigos premendo na imaxe.

INVESTIGAMOS O MEDIO MARIÑO

 Hoxe visitáronnos Jose, Patricia Quintas, Sonia, Patricia Bernárdez e Sonia, unhas investigadoras e uns investigadores do Instituto de Investigacións Mariñas para darnos unhas charlas sobre diferentes aspectos do medio mariño. Son expertos e expertas en cabaliños de mar porque traballan nun proxecto chamado Hyppocampus 

Polo de agora poderes ver as fotos dos nenos e das nenas de educación infantil. Estade atentas e atentos que moi pronto estarán tamén as fotos de primaria.

Neste enlace podes ver todas as fotos.

APRENDEMOS XEOGRAFÍA

Seguimos incorporando seccións no noso blog. A partires de agora tamén poderedes movervos e investigar polo mundo adiante.
Esta imaxe do planeta terra incorpórase á nosa barra esquerda para acceder a todos os recursos para investigar polo mundo adiante. Boa viaxe!!

LECTURAS

Levo un tempo preparando un lugar cheo de lecturas para todas e todos vos e... por fin podo presentárvolas.  Só tes que premer neste libro e accederás a un mundo cheo de maxia e fantasía. 

Ollo! Poderás atopar este enlace permanente na marxe esquerda do blog. Búscao!!

LIBERAR LIBROS

O concello de Madrid acaba de por en marcha unha liberación de libros por toda a cidade. É o que se coñece con bookcrossing, práctica nacida en Estados Unidos e que consiste en deixar libros por calquera recuncho para que a xente poda atopalos. A cuestión é que cando atopemos un deste libros gocemos coa súa lectura e despois voltamos a liberalo para que outra persoa poda gozar con el.

A DERRADEIRA PELÍCULA DE BERLANGA

Con todas estas actividades do magosto case esquezo unha nova moi importante que aconteceu esta fin de semana. Faleceu Luis García Berlanga, un dos grandes directores do cine español.

Nestas últimas semanas Berlanga voltou á vida pública participando nunha campaña de Médicos Sin Fronteras para loitar contras as enfermidades esquecidas.

Polo seu cine, polo seu compromiso... dámoslle as grazas dende o noso outeiro.

FOTOS DO MAGOSTO

As fotos do magosto xa están preparadas. Xa podedes gozar lembrar o ben que o pasamos xogando nos diferentes rincóns e comendo castañas. A pesares da chuvia foi un bo día!

 Se queres ver todas as fotos só tes que premer neste collage.

 

CANCIÓN DA CASTAÑA

Agora que xa sabedes a letra da canción da castaña, tedes que aprender a música e os xestos.
Mirade que ben o fan os pequerrechos do cole... e as profes, claro.

MAGOSTO

Hoxe celebramos a festa do magosto no cole. Algúns profes fixeron as brasas e asaron unhas castañas boísimas.

A chuvia esperou a que saíramos a xogar, pero aínda así puidemos participar nalgún dos rincóns de actividades e xogos.

Estamos recollendo as fotos para que poidades ver o ben que o pasamos e canto traballarou todo o profesorado.

Para ir facendo boca podedes practicar a letra da canción da castaña.

                                       Era unha castaña redonda, redonda
                                       que neste magosto estoupou como unha bomba.

                                       Para para pum, para pum, para pum pum,  
                                       para para pum, para pum chin pum

                                       Eran unha castaña marrón, marrón
                                       que caeu do castaño e fíxome un chichón.

Se gostaches da canción e quere cantala completa, poderás atopala premendo aquí.

ACTIVIDADES LIM

Continuando co noso proxecto sobre a illa de San Simón, elaboramos unha serie de actividades para traballar no 1º ciclo de primaria.

A GAMELA DE SIMÓN

Xa vos presentei o proxecto da Illa de San Simón que estamos a desenvolver no cole neste primeiro trimestre. E xa vos mencionei que na pestana de arriba tedes acceso a todos os materiais que estamos a traballar. Pero hoxe quería destacar un deses materiais: A gamela de Simón. Un conto escrito e deseñado no cole e que xa ocupa un lugar privilexiado na nosa estantería virtual.

PROXECTO ILLA SAN SIMÓN

O noso proxecto da illa de San Simón xa está en marcha e podemos amosar os primeiros traballos.

As nais de educación infantil botaron un cabo creando unha estupenda maqueta da illa de San Simón con todos os seus edificios. Mirade que marabilla!!

Xa sabedes que na pestaña do proxecto podes ver máis material sobre o noso proxecto.

AS CASTAÑAS

O vindeiro xoves día 11 imos celebrar o noso Magosto.

..."¿Queredes castañas
dos meus castiñeiros?...
Cantádeme un maio
Sin bruxas nin demos;
Un maio sin segas,
Usuras nin preitos,
Sin quintas nin portas,
Nin foros, nin cregos."

Curros Enriquez

Podedes atopar máis información sobre as castañas e o magosto premendo na imaxe de abaixo e no noso enlace de recursos.

OUTONO

Xa cambiamos os reloxos, xa van mudando as cores... Estamos de cheo no outono.

VEN ONDA NÓS O OUTONO
DACABALO DO AIRE;
NOS CAMIÑOS DA FRAGA
OS OURIZOS XA ABREN.
SÍNTOO CHEGAR CONTENTO
DA ETERNA VIAXE
ENREDANDO ENTRE AS FOLLAS,
ESTREANDO FRIAXE.

ANA Mª FERNÁNDEZ.”Ondas de verde e azul”.Xerais

E para ir facendo boca, velaí vai: imaxes e música outonais. Espero que vos guste.

COMEZA A NOSA ANDAINA

Benvidas e benvidos a miña charca. Dende este blogue vou compartir con todos e todas vos a miña paixón pola lectura. Tentarei espertar a vosa curiosidade con moitas e diferentes cuestións, suxerenzas, probas...unha chea de historias compartidas que nos farán viaxar por diferentes lugares do noso maxín.

Moitas grazas por compartir este espazo comigo.