E TI... A QUE LLE TES MEDO?

O Samain e o halloween estan a piques de chegar e con eles todos os espiritos e espectros propios destas datas.

Dende a biblitoeca queremos celebralo cun concurso de relatos curtos… tan curtos como  queirades, pero que deben responder a unha pregunta:

e ti… a que lle tes medo?

 

Podedes facelo na clase coa vosa mestra ou o teu mestre ou pasar pola biblioteca durante o recreo. Cando estea listo entregadeo na biblioteca…habera un lugar preparado para recollelos.

E non esquezades que habera premios para os mellores relatos. Tedes de prazo ata o dia 5 de novembro.

CHEGA O SAMAÍN... CHEGAN OS ESPÍRITUS...

O Samaín xa está aquí. De vagar vai ocupando espazo polos corredores pero iso xa volo amosarei noutra entrada do blog. Polo de agora quero achegarvos a seleción de recursos e actividades que temos preparada para traballar o Samaín e o medo. Só tedes que premer na imaxe. Espero que vos guste. 

 

A BIBLIOTECA ABRE AS SÚAS PORTAS

Por fin chegou o día das Bibliotecas Escolares e inauguramos a nosa biblioteca. Todas as nenas e os nenos do noso cole foron visitando o meu outeiro para gozar coas fantásticas novidades, coñecer os novos recunchos e recoller un presente moi doce que lles tiña preparado. 

Agora xa poden escoller ás lecturas para levar ás súas casas, buscar información nos ordenadores e todas as fantásticas actividades que van xurdindo ao longo do curso.

Agardo que todas e todos pasedes pola miña casa a visitarme sempre que queirades.

O MERCADO

Hoxe quero presentarvos un libro moi especial; especial porque é un libro e un Cd e un DVD e un karaoke... todo xunto. Especial tamén porque este proxecto xira arredor da festa e da felicidade. E o centro de todo este é Rui, un neno que a pesar das súas dificultades pode gozar coa música, cantar e bailar.

Ducias de artistas cantando a alegría de vivir. Uxía, Sérgio Tannus, Magín Blanco, Isaac Palacín, Tanxarina, Carlos Blanco, o noso Ruí, Familia Domínguez Senlle e moitas amigas e amigos... viaxan a través das ilustracións de O Pastor.

Como anticipo, valeí vai unha das cancións rodada na Tenda da Loura, en Redondela, con Carme e Irea como protagonistas. Seguro que vos encanta.

INAUGURAMOS A BIBLIOTECA

O vindeiro mércores día 24, día das Bibliotecas Escolares, será un día moi especial para nos porque inauguraremos a nosa biblioteca. 

Temos preparadas unha actividades das que seguro gozarás moitísimo. Podes ver o programa premendo na imaxe de abaixo.

OS ÚLTIMOS CARTACES

Con estas dúas novas entregas rematamos a exposición de cartaces co lema do proxecto documental deste curso, Lendo entre viñetas e bocadillos.

Moitísimas grazas a todas as familias pola súa participación e entusiasmo.

Lembrade que no noso album de fotos están todos estes cartaces para miralos con calma. Só tes que premer AQUÍ.

MÁIS CARTACES

Velaí van máis cartaces realizados nas casas. Lembrade que os tedes todos no noso album de fotografías premendo AQUÍ.

PRIMEIROS CARTACES

Xa temos os cartaces elaborados polas familias co lema do noso PDI deste curso: LENDO ENTRE VIÑETAS E BOCADILLOS. O resultado é asombroso e temos verdadeiras alfaias expostas nos nosos corredores.
Moitísimas grazas a todas e a todos pola vosa participacións. Encántannos as vosas obras de arte.

Velaí vai unha mostra dalgún dos cartaces; aos poucos irán saíndo todos...paciencia!

 

E podedes velas todas premendo AQUI.

LECTURAS DE OUTONO

Xa tedes na entrada da biblioteca unha mesa moi outonal cunha seleción de libros para gozar lendo historias desta época do ano.

E se queres mirar con máis detalle, estes son os títulos outonais que vos propoñemos.

Shelfari: Book reviews on your book blog

IMAXES DE OUTONO

Esta fin de semana estiven ilustracións de outono para achegarvos un chisco da poesía que esta estación nos trae. Espero que vos guste.
As imaxes están espalladas por Bibliopoemes, blog de Poesía infantil i juvenil, e Pinzellades al món blog de ilustracións.

NAVEGA EN GALEGO

Preséntovos Navega en galego, un blog que axuda a «navegar na web como galegos», é dicir, empregando a lingua galega como preferida. Este blog serve tanto para coñecer a estatística do idioma preferido das nosas visitas como para comprobar a configuración da lingua de cada navegador e para galeguizalo.  

É importante para potenciar a presenza do galego en Internet e para solicitar a galeguización de programas e utilidades que os navegadores que utilicemos estean configurados na nosa lingua.

AXUDANTAS DA BIBLIOTECA

Este ano ponse en marcha o programa de voluntarias para axudar na biblioteca. Estas son as flamantes voluntarias deste ano.

Todas elas comprometéronse a axudar asinando un contrato despois de ler e reflexionar sobre as súas obrigas no tempo de recreo. Moitísimas grazas a todas.

CARTA DE MATILDA

Hoxe chegáronnos unhas cartas de Matilda ao cole. Unha delas ía dirixida a todo o alumnado e a outra era para as familias.
Se queres coñecer o contido das cartas, preme na imaxe do sobre e saberás o que Matilda lle pide ás familias.

 

A carta dirixida ao alumando tamén poderás lela premendo no selo de Matilda.

CHEGA "OLLOS DE AULA"

Nace "Ollos de aula" a revista da Coordinadora galega de ENDL para as familias do alumnado.

O seu obxectivo é achegarvos información variada ao redor da educación e convidarvos a reflexionar sobre aqueles temas que vos poden preocupar como nais e pais.

Agardamos que vos sexa de axuda.

 
 Achegámosvos tamén a versión para imprimir en a4 a dobre cara.

XA ESTÁN EN MARCHA AS MOCHILAS VIAXEIRAS

 Está mañá comezaron o seu percorrido as mochilas viaxeiras deste curso. 

Velaí tedes as imaxes das primeiras mozas e mozos que van compartir 15 días de aventuras coas súas familias.

Espero que vos gusten.

RECURSOS OUTONO

Lembra que tes unha ampla seleción de recursos e actividades sobre o outono na barra lateral esquerda do blog e premendo nesta imaxe outonal de Matilda.

UN NOVO OUTONO

De vagar... paseniño... silencioso... o outono está aquí. Aínda non podemos admiralo en todo seu esplendor pero xa está con nos, un ano mais.

Libellune

Ofrecémoste un enlace con poesías sobre o outono, para ir facendo boca. Preme na seguinte imaxe e poderás gozar co seleción feita por Bibliopoemes.

25 ANOS DE TITIRICIRCUS

En Redondela estamos de festa. O Titiricircus, o espectáculo de Tanxarina, os titiriteiros de Redondela, cumple 25 anos e hai que celebralo. Por iso Kalandraka publica o libro Titiricircus... por iso proxéctase un documental... por iso hai festa en Redondela.

O sábado 22 de setembro a partir das 19:30 horas:

- Presentación do LIBRO: 'TITIRICIRCUS' editado por KALANDRAKA e ilustrado por Pablo 'O Pastor’. 

- Presentación do DOCUMENTAL : '25 ANOS DO TITIRICIRCUS' grabado e producido por Cuchi Carreira.

O domingo 23 de setembro: 

- Representación do espectáculo 'TITIRICICUS' ás 12:30 e 20:00 horas.

- Peche con Música do grupo 'OS CROQUETAS', petiscos e … máis, moito máis !! 

En previsión tempo, esta programación terá lugar no Multiusos da Xunqueira de Redondela.

 

Parabéns para todos aqueles e aquelas que foron pasando por Tanxarina. Moitos bicos e achuchóns dende este outeiro.

BENVIDA A UN NOVO CURSO

Hai xa uns días que comezamos o novo curso, pero con tantos reencontros non tiven tempo de facer unha benvida pública. Nestes días andamos axudando aos recién chegados á aula de Educacuón Infantil de 3 anos, preparando as sorpresas da biblioteca, reencontrándonos coas amigas e os amigos... un feixe de cousas! Pero non quero deixar pasar máis días sen dar a benvida tamén ás mamás e ós papás, a todas as familias que nos visitades polo cole e polo blog. Espero que este curso tamén podamos colaborar nunha chea de actividades. Xa vos irei contando....

LETRAS GALEGAS 2013

A Real Academia Galega decidiu dedicarlle as Letras Galegas no ano 2013 ao autor, director e actor teatral Roberto Vidal Bolaño (Santiago de Compostela, 1950-2002)

O dramaturgo compostelán foi un dos artífices da profesionalización do teatro galego, coa creación da primeira compañía, o Grupo Antroido. Traballou tamén co Centro Dramático Galego (CDG) e coa súa propia compañía, Teatro do aquí.

Podedes ir achegándovos á figura deste axitador cultural visitando a Galipedia e a páxina da Real academia Galega.

EXCURSIÓN A O GROVE

Agora que chega o final vemos que quedan algunhas cousas pendentes de publicar. Unha dela é a excursión que as nenas e oe nenos do 1º ciclo fixeron ao acuario de O Grove para finalizar o curso. Velaí van as fotos dese día tan estupendo.

CHEGOU A DESPEDIDA

Pois si, chegou a despedida. Xa só queda desexarvos a todas e a todos unhas moi felices vacacións, que descansedes ben porque o merecedes e que gocedes con mil e unha lecturas marabillosas. Vémonos nun suspiro.

O FESTIVAL DAS LETRAS GALEGAS EN VÍDEO

Xa están listos os vídeos coas presentacións e as actuacións do Festival das Letras Galegas 2012.
Están organizados de xeito que podades ver directamente as actuación que máis vos interesen en cada momento e só tedes que acceder á páxina con todas as gravacións premendo na imaxe de abaixo. Agardamos que gostedes delas.

O RONSEL 2011-12

Xa temos lista a nosa revista escolar do curso 2011-12. Este ano tan só podemos editala en formato dixital pois os recortes da Consellería nos orzamentos dos Equipos de Normalización imposibilita a súa publicación en papel.

Unha vez máis, non deixamos que os recortes nos orzamentos recortasen tamén o noso entusiasmo e o noso traballo, así que velaí vai unha revista escolar que pretende achegarvos unha selección das actividades realizadas durante este ano.

Moitísimas grazas a Carolina, Miguel O. e Miguel H. porque sen a súa axuda e apoio esta revista non vería a luz. Grazas tamén a todo o profesorado que participou na elaboración de materiais e recollida de traballos para a súa publicación. Moitísimas grazas polo voso traballo.
Preme enriba da pantalla e poderás ampliar a imaxe

AS FOTOS DO FESTIVAL DAS LETRAS GALEGAS

Xa están listas as fotos e xa podedes gozar lembrando as fantásticas actuacións do festival das Letras Galegas 2011. Tamén temos vídeos... pero aínda teredes que agardar un pouco máis por eles.

E se queres ver todas as fotos so tes que entrar no noso album.

LECTURAS PARA O VERÁN

Xa van chegando as vacacións e temos que planificar xa as nosas lecturas veraniegas. Velaí van as nosas recomendacións para que podas escoller un bo libro para levar contigo nas vacacións.

VALENTÍN PAZ ANDRADE NO FESTIVAL DAS LETRAS GALEGAS

O pasado venres día 15 celebramos o noso festival das Letras Galegas. As fotos e os videos destas actuacións están aínda no forno, pero para ir facendo boca podedes ver e escoitar o video de Valentín Paz Andrade que preparamos para homenaxear a este autor.

FACEMOS UNHA XOANIÑA

Quero amosarvos como foi o proceso de elaboración da xoaniña que as nenas e nenos de 3 anos enviaron á exposición do Festival Internacional de Títeres de Redondela. Xa veredes o ben que o pasaron.

FESTIVAL LETRAS GALEGAS 2012

Xa está todo preparado para o noso festival das Letras Galegas. Estades todas e todos convidados a acompañármonos o venres día 15 a partir das 17:00 horas. Pasaremos lista.

Se queres ler o programa cunha letra de maior tamaño, preme aquí e accederás ao documento.

DÍA DO MEDIO AMBIENTE

Para traballar e xogar no Día do Medio Ambiente:

Visto en recursos para nuestra clase.

SOMOS

SOMOS moitas e moitos as que queremos cambiar o mundo e respaldamos esta iniciativa que agrupa a moitas ONG coa finalidade de fomentar a solidariedade na sociedade na que vivimos.

SOMOS, unidos para cambiar o mundo.

LANDS AWAY

Simplemente precioso.

PEQUENAS CIENTÍFICAS E CIENTÍFICOS

Velaí vas as fotos dos experimentos realizados en cada ciclo. Espero que gostedes deles.

Educación Infantil
 

1º ciclo

2º ciclo
 

3º ciclo 

ONOMATOPEIA

Encántanme os xogos de palabras e este video de Gregory Stewart está composta unicamente por onomatopeias: un tipo de palabra que imita sen máis os sons da vida real: o ronquido dun home, o choro dun bebé, o miañar dun gato, o traqueteo dun tren, a freada dun coche... O anterior relato animado faise así comprensible en calquera parte do mundo. 

Visto en Xogos de lingua.

PEQUENAS CIENTÍFICAS... PEQUENOS CIENTÍFICOS

Chegamos ao final do noso proxecto sobre inventos e descubrimentos cunha demostración ao vivo do aprendido durante todo este tempo. 

Cada clase preparou unha sesión de experimentos divertidos para amosárllelos ás súas compañeiras e compañeiros. 

Aínda estamos a cociñas a reportaxe, así que teredes que agardar un chisco polas fotas.

LA OLA

Esta ano enganchámonos a un estupendo conto de Suzy Lee. Gustounos tanto que o alumnado de educación infantil fixo o seu propio relato. Espero que vos guste tanto como a min. 

Preme na imaxe... dalle ao play... e goza coa historia.

A VELLA LULULA

Curta de animación realizada no CEIP A Lama para o concurso "Nós tamén creamos". Unha maravilla. Parabéns a todas e a todos por tan fantástico traballo.